Skólar

Nýjar áherslur

Á Úlfljótsvatni hafa verið reknar skólabúðir um áratugaskeið. Við erum mjög stolt af skólabúðunum okkar og höfum verið að vinna að því að gera þær enn betri.

Við getum tekið við 2-3 bekkjardeildum á hverjum tíma eða allt að 60 manna hópum. Skólarnir velja svo hversu langan tíma þeir vilja að nemendur dvelji í skólabúðunum, 1 nótt, 2 nætur.

 

Þétt dagskrá með áherslu á útivist

Fjallganga, klifur, bogfimi, umhverfisfræðsla og margt fleira!

Skólabúðirnar eru staðsettar í Útilífsmiðstöð skáta á Úlfljótsvatni. Svæðið er eitt best útbúna útivistarsvæði landsins með óteljandi möguleikum til leiks og náms. Í starfsliði okkar er starfsfólk með mikla reynslu af skátastarfi, útivist og vinnu með börnum. Dagskrána byggjum við á skátaaðferðinni og styðjumst við grunnþætti menntunar í starfi okkar. Þó að áherslan sé á útivist og við reynum að vera sem mest utandyra með dagskránna, vitum við að veður getur verið misjafnt og erum því með aðstöðu innandyra ef svo ber undir. Meðal nýjunga á staðnum er meðal annars nýr fullbúinn kennslusalur sem mögulegt er að notast við í dagskrá innandyra.

Dagskrá í höndum starfsfólks Úlfljótsvatns

Yfir daginn er dagskráin alfarið í höndum starfsfólks útilífsmiðstöðvarinnar en fyrir kvöldmat taka kennarar og aðrir fylgdarmenn við hópnum. Starfsfólk útilífsmiðstöðvarinnar getur aðstoðað við kvölddagskrá.

Dæmi um kvölddagskrá:
„Úlla- Karaoke“
Kvöldvaka, hægt er að fá lánaðar gítar og söngbækur
Tískusýning nemenda
Spilakvöld
Diskó

Stutt að fara

Úlfljótsvatn er frábærlega staðsett fyrir skólahópa.  Hæfilega langt frá borginni og því þarf kostnaður við ferðalagið ekki að vera of hár. Vatnið stendur mitt í fallegu og fjölbreyttu umhverfi þar sem mikið er um fuglalíf. Undanfarna áratugi hafa skátar ræktað upp skóg í hlíðum Úlfljótsvatnsfjalls sem að gestir geta nú notið. Útilífsmiðstöðin hefur einnig byggt upp eitt stærsta og best búna tjaldsvæði landsins. Smelltu hér til að sjá kort.

Tímabil

Hausttönn: 25. september til 17. nóvember. ||  Vorönn: 5. mars til 1. júní.

Við minnum á að plássin eru takmörkuð og að það borgar sig að sækja um snemma til að komast að á þeim tíma sem hentar ykkar skóla.

Bókanir og frekari upplýsingar

Smellið hér til að sækja um pláss í skólabúðum skólaárið 2020-21.

Fyrir frekari upplýsingar og fyrirspurnir um aðrar skólaheimsóknir er hægt að senda póst á ulfljotsvatn@skatar.is eða hringja í síma 482 2674.